എന്റെ രാപ്പാടി

ഞാൻ കാണാത്ത, ഞാനറിയാത്തവൾ

അപരിചിതയായെന്നിലെത്തി നിദ്രയിൽ

മൃദുലമായ് പേരു വിളിച്ചു തലോടി,

എന്നെ ഞെട്ടിയുണർത്തിയവൾ മറഞ്ഞു

എൻമനസ്സിൽ പതിഞ്ഞു പോയവളുടെ രൂപം

തലോടാനായി ഞാൻ കൈവിരലുകളനക്കി

മിഴി തുറന്നു ഞാൻ ഒരു നോക്കു കാണാൻ

അവളെങ്ങോ മറഞ്ഞു യാത്രമൊഴിയാതെ!

രാവുകൾ തോറും കണ്ടു മുട്ടി വീണ്ടുമവളെ

രൂപമില്ലാനിഴലായ് പ്രേമിച്ചു ഞാനവളെ

രാവുകൾ കാത്ത് മോഹിച്ചു പോയ് പലതും

പകലുകളേകുമന്തരം വെറുത്തു ഞാൻ ഏറെ

കേൾക്കാത്ത കഥയും, കഥയിലെ നാട്ടരും

ബാല്യവും ഭാവിയും കണ്ടു ഞാൻ വീണ്ടും

അവളുടെ മാറിൽ തലചാരി ശയിച്ച നേരം

അവളില്ലാ രാവുകൾ എനിക്കുറക്കമില്ലാതായ്

അവളിലെ പ്രേമം പ്രണയമാക്കിയ രാവുകൾ

അവളാരെന്നാരോടും പറഞ്ഞില്ലയിന്നു വരെ

അവളെന്റെ മാത്രമായെന്റെ സ്വന്തം രാപ്പാടിയായി

 രാത്രികളിലെന്നുള്ളിലുണരുമെൻ സ്വപ്നമായ്!

 

അതേ..... അവളാണ് ഞാനെന്നും പ്രേമിച്ച 

എന്റെ മാത്രമായ സ്വപ്നപൌർണ്ണമി!

-കപിലൻ-